واحد النهار اجتامعوا واحد تلاتة الشيوخ كل واحد كيفتاخر بلي راه كيشوف مزيان , اوا وتافقوا انهم يطلعوا لجبل الغد ليه و كل واحد منهم يقول شنو مخرج مول الحانوت لي مقابل مع الجبل قدام الباب ديال الحانوت . المهم قبل ميطلعوا مشى الشيخ الاول لعند مول الحانوت لي تافقوا عليه و قالوا:غدا فصباح منين تحل الحانوت حط قدام الباب تلاتة البوطات كبار و فوقهم جوج بوطات صغيرة , قاليه واخا .منين مشا جا الشيخ التاني قاليه : غدا منين تحل الحانوت فالصباح حط قدام الباب جوج بوطات كبار و فوقهم بوطة صغيرة ,قاليه واخا . و جا عاوتاني الثالت قاليه: منين تحل الحانوت حط قدام الباب بوطة كبيرة و حداها بوطا صغيرة .ايوا الغد ليه منين مشاو فالصباح و طلعوا لجبل ,قاليهم الشيخ الاول :راه حاط تلاتة البوطات كبار وفوقهم جوج بوطات صغار. و التاني قال:لا راه حاط جوج بوطات كبار و فوقهم وحدة صغيرة . و التالت قاليهم :لا لا لا راه حاط بوطة كبيرة وحداها بوطة صغيرة . ايوا ومنين هبطوا من الجبل مشاو حدا مول الحانوت باش يشوفوا شكون لي عندوا الصح لقاو مول الحانوت ساد مزالga3 محلش .